O martes 15 de novembro tivemos na biblioteca un pequeno laboratorio con dous experimentos, un dos actos para conmemorar o mes da ciencia. Marcos, Irene e Alba demostráronos e explicáronos como se consegue o campo magnético que move unha rosa dos ventos e como se consegue a división cromática. Canto aprendemos!
.jpg)
O luns 14 de novembro teremos a primeira sesión do seminario de formación do alumnado e profesorado. Centrarémonos na creación de contidos para a radio e nesta ocasión acompañaranos a poeta e profesora Rosalía Fernández Rial, do CPI Cabana de Bergantiños. Será unha forma diferente de apender nunha tarde de luns!
Rosalía Fernández Rial fíxonos pasar unha tarde estupenda na biblioteca. Seguindo o fío das bibliotecas escolares deste ano, a escritura creativa, contamos a nosa propia versión do afundimento do mercante fruteiro Banora en Camariñas.
Ocorreu o 18 de novembro de 1965 e considerouse un naufraxio feliz en tanto que non houbo vítimas mortais e sempre se lembra a chegada ás costas de Camariñas e Muxía de 1.600 toneladas de laranxas, recollidas despois en carros, carretas e sacos polos aldeáns. As pequenas laranxas marroquís do Banora encheron os cabanotes das casas da zona. Por mor da masiva inxesta de cítricos houbo frecuentes diarreas entre a veciñanza e outra xente da comarca.
Pois ben, inspirándonos nesta historia, deunos tempo a crear o guion, ensaiar un pouco e baixar á emisora a gravar toda a ficción! Grazas a todas e todos por participar! Grazas, Rosalía, por compartir connosco esta tarde de luns diferente!
As gañadoras e gañadores
dos diferentes concursos da biblioteca son:
Cazatesouros “Manuel María”:
Pablo Varela Añón (1º B)
Marcos Señorís (4º B)
Iago Canizás Trigo e Gabriel Pérez Suárez (2º PMAR) polo seu bo recitado.
Concursos de
escritura creativa de Samaín:
Elexías:
1º B
Oliver Martínez
Varela
2º A
Ángela López
Trigo
2º B
Mireia Couto
Baamonde
Microrrelato
de medo:
1º A
Carla Busto Varela
1ºB
Moisés Pérez
Verdes
Día das
Escritoras:
Recitadoras e
recitadores do Día das Escritoras:
1º B
Iker Veiga Varela
2º B
Estrella Ramos
Aldao
3º A
Miguel Bermúdez Varela
Parabéns a todos por participar!
Os luns 21 e 28 de novembro tivemos o club de lectura de familias de 15 h a 16 h e de 18 h a 19 h, respectivamente. A obra elexida é As ramonas de Ana Cabaleiro, novela gañadora do Premio de Novela Manuel García Barrios no ano 2018.
O manifesto para este ano 2022, baixo o título "O deber de coñecer e transmitir a nosa historia científica" abrirá moitas rutas de traballo e investigación coas que poder berrar "Terra á vista" desde as nosas bibliotecas escolares.
Á biblioteca Manuel María chegaron hoxe dúas exposicións itinerantes, “Morcego de Galicia” de CEIDA e “Recursos naturais de Galicia” da Escola de Enxeñaría de Minas e Enerxía, da Universidade de Vigo. Vaia o noso agradecemento ás entidades colaboradoras e ao departamento de Bioloxía e Xeoloxía.
Asemade, disporemos dunha maleta viaxeira literaria inspirada en temas de Bioloxía e Xeoloxía, tamén de CEIDA, coa que enriquecer a oferta da “Hora de ler” nos grupos de 1º ESO.
Desde a biblioteca iremos diseñando diferentes actividades. Grazas a Pino, Patricia e Irene pola súa implicación como voluntarias da biblioteca á hora de montar os cartaces!
Imos aló!
O venres 28 de outubro, aproveitando que tivemos a exposición sobre Manuel María no instituto, celebramos o club de lectura “Manuel Manuel: Poemas ó outono”, Foi nunha hora de lecer, co alumnado de 4ºB. Permitiunos analizar a simboloxía, o amor pola terra e a riqueza dos seus versos. Léronse varios versos seus e eliximos un poema para figurar na entrada da biblioteca.
Con el pechamos as actividades do mes da biblioteca ao tempo que devolvemos a exposición. Queremos agradecer a Antón, o dinamizador da Casa-Museo Manuel María a súa atención e amabilidade.
Marilar Aleixandre foi galardoada hoxe co Premio Nacional de Narrativa 2022 pola súa obra As malas mulleres, editada por Galaxia. Sucede a Xesús Fraga, premio nacional o ano pasado pola súa novela Virtudes (e misterios).
Parabéns desde o noso equipo da biblioteca! Podedes levar prestados varios dos seus libros que temos! Será a mellor maneira de descubrila.
Bases do
concurso “Escribimos versos tristes ou micorrelatos de terror”
Samaín 2022
Quen che dixo que
non podías ser unha excelente Mary Shelley ou un Edgar Allan Poe? Gústache crear historias de terror ou medo? Es bo poeta e tes a virtude para
crear elexías? Invitámoste a participar no concurso de microrrelato de terror
da nosa biblioteca.
Haberá dous premios, un para o relato gañador ou os poemas tristes e
fermosos das alumnas e alumnos de primeiro ciclo de ESO (1º e 2º) e outro para
os de segundo ciclo de ESO (3º e 4º).
Deberedes entregar
en dous sobres separados:
1) No tamaño folio irá o texto firmado cun seudónimo. Por fóra
escribiredes: “Microrrelato/Elexía de Samaín 2022” e o voso seudónimo.
2) Nun sobre máis pequeno incluiredes os seguintes datos: por fóra figurará
o seudónimo e dentro escribiredes o voso nome real completo e o curso ao que
pertencedes (1º, 2º, 3º ou 4º de ESO).
Valoraranse a orixinalidade e a corrección idiomática dos textos. Aquel que
sexa plaxio doutro publicado será excluído.
Poderedes entregalo escrito a man ou mecanografiado pero lembrade que só
empregaredes como máximo 100 verbas.
O xurado estará formado polas profesoras e profesores que traballan no
equipo da biblioteca.
Data límite de entrega: no recreo do
venres, 4 de novembro de 2022.
Publicaremos o listado de gañadoras e gañadores o luns 7 de novembro no
blog da biblioteca.
O luns 24 de outubro, e coincindo co día das bibliotecas, tivemos o primeiro club de lectura do curso, o de Harry Potter, co alumnado de 1º de ESO, e grazas a el, démonos conta de que non temos a saga completa na nosa biblioteca (traxedia!). Non vos preocupedes porque faremos todo o posible para telo!
Principalmente centrámonos nos dous primeiros títulos da saga, Harry e a cámara segreda e Harry e a pedra filosofal. Durante unha hora deunos a oportunidade de intercambiar opinións sobre este clásico xuvenil, ler diferentes pasaxes, seguir o fío da exposición na nosa biblio e explicar elementos, responder a preguntas do grupo rival e compartir opinións.
Para conmemorar o día das bibliotecas, tivemos este mes a exposición sobre Manuel María cedida pola Casa-Museo do autor. Xa levades moitos participando e facendo o cazatesouros da biblioteca e grazas a iso, puidestes coñecer un chisquiño máis de por que leva o seu nome a nosa biblio. Tamén moitos lestes poemas seus dos libros que temos na biblioteca, compuxestes versos e recitastes. En breve daremos a coñecer os gañadores e gañadoras do cazatesouros.
