O mércores 17 de abril fómonos de excursión á Coruña co alumnado de 2º de ESO. Grazas á concellería de Cultura e Educación de Malpica e ao instituto, saíunos todo gratis. Na Fundación A Banca, visitamos a exposición "Picasso en viñetas" en sintonía coa liña temática das bibliotecas escolares deste curso, "Unha biblioteca en viñetas".
Pola tarde fixemos un percorrido dende os Cantóns, pasando pola rúa Real ata chegar á cidade vella nas que nos acompañaron moitas figuras salientables do mundo literario: Concepción Arenal, Emilia Pardo Bazán, Curros Enríquez, Yolanda Castaño ou pensadoras como Juana de Vega ou a mesma María Pita. O percorrido rematou diante da Real Academia Galega e a Casa-Museo de Emilia Pardo Bazán.
Ningún comentario:
Publicar un comentario
Agradecemos todos os comentarios, só un apuntamento, non os deixes de xeito anónimo e sé educado e construtivo!