ROTEIRO PROXECTO ZOQUIÑAS VERMELLAS E VISITA A BUÑO

Algúns dos nosos alumnos e alumnas puideron visitar Buño de xeito guiado, grazas á colaboración de Fran (Gorín), que nos fixo reparar con outros ollos nos espazos da nosa contorna, que nos amosou como se fai unha peza tradicional e tamén nos fixo partícipes do proxecto Zoquiñas Vermellas, co cal puidemos colaborar ao realizar unhas cantas pezas. Este roteiro puido realizarse grazas ao Proxecta Donas de si, que este curso se desenvolveu no noso centro.

Na igrexa de Buño hai unha lámpada ben especial

Hai ben fornos tradicionais sementados por Buño

Proxecto zoquiñas vermellas

Placa informativa do proxecto

 

Algunhas das zoquiñas sairán destas mans

 

 

 

 

 

 

 

 

 

 

 

 

 

 

Este roteiro rematou no Centro de Artesanía e Tradición de Buño, onde puidemos atender as exposicións que se mostran e ver o vídeo do proxecto Non canto por cantar, que, á parte de encantarnos, gozamos intensamente por recoñecer nel protagonistas ben familiares. Que o patrimonio inmaterial da zona nunca se perda é un traballo no que todos e todas queremos implicarnos! Recomendámosvos pasar polo centro a todos cantos vos acheguedes pola contorna e, por suposto, a veciños e veciñas.

Traxes tradicionais

NOVIDADES!!!

Chega o verán e chegan as novidades para recomendar, para ler estes días nas aulas, para levar e gozar de lecturas ao sol e ao aire libre... Que marabilla a lectura de verán!

E como sabemos que moitos e moitas tedes curiosidades infinitas, apostamos pola divulgación científica, histórica, lingüística... e tamén por explicar o que sucede no mundo por medio de materiais accesibles, atractivos e actualizados.

Estamos preparando non só as recomendacións senón unha exposición, para que todos e todas teñades a oportunidade de velos, tocalos, follealos e interesarvos.

Va que teñen boa pinta????

GAÑADORAS E GAÑADOR DO CAZATESOUROS “LETRAS GALEGAS 2022”

Xa temos gañadores das Letras, e como moitos e moitas resolvestes ben o cazatesouros, tivemos que facer un sorteo e velaquí as premiadas e o premiado. Moitos parabéns e queremos ver esas bolsas axiña cheas de toallas e crema solar polas praias!

Iris, de 4º A

Carolina Veiga de 1º A

Óscar Ures, de 2º A

 

E moitas grazas a todos e a todas por participardes, non só coa composición e coa exposición, senón co cazatesouros, que realizastes con notable destreza e éxito.

E infinitas grazas ás persoas que colaborastes na exposición, na documentación e na condución desta actividade. A biblio é un lugar de encontrar e encontrarse!

FANZINE COLECTIVO NA BIBLIOTECA

A CREACIÓN PROPIA. FERRAMENTAS, FORMATOS E COÑECEMENTO

O 9 de maio tivo lugar na biblioteca un obradoiro no que se plantexou, a partires da transfomación de conflictos a través da arte e o xogo, a idea de que calquera persoa pode ser creadora. Quedou demostrado que conceptos como o talento, a creatividade e a motivación moitas veces poden crear obstáculos ou complexos, mais todos eles están dentro de nós. Por este motivo, partindo dun poema de Rosalía, o alumnado explorou as verbas que emerxen e destacan dos seus versos e, ao mesmo tempo, puxeron en práctica a escritura automática e o debuxo sen ningún tipo de expectativa. 

O principal obxectivo deste obradoiro foi poñer en valor o vivenvial e o coñecemento empírico como ferramenta de creación, ademais de ensinar os distintos formatos nos que se poden autoeditar as obras de creación propia. Neste caso, a creación final que se levou a cabo foi un fanzine colectivo.

 Dende aquí agradecémoslle a Irán Aranxa a súa entrega e os coñecementos aportados.

LETRAS GALEGAS 2022

Esta semana estivemos preparando a biblioteca para a celebración do Día das Letras Galegas 2022! Incorporamos tres libros de Florencia Delgao Gurriarán publicados en Galaxia, que xa tedes dispoñibles. 

Algún dos grupos participaron no cazatesouros sobre os cartaces que nos enviaron desde a consellería, nas aulas obviamente lemos varios dos seus poemas, apreciando a súa sonoridade, musicalidade, compromiso con Galicia así como a homenaxe a figuras da talla de Rosalía de Castro, Curros Enríquez, Otero Pedrayo ou Cunqueiro. Sexa como for, descubrimos un autor completo grazas ao Día das Letras Galegas, e sobre el traballaremos os días 18, 19 e 20 de maio. 

 Marta Agrasar, de 3º A, aportou un dos retratos que podemos ver na estrutura triangular da entrada.  

 

Desde o departamento de francés colaboraron salientando tres poetas que Gurriarán coñeceu ben pola súa faceta de tradutor, como foron Mallarmé, Valery e Rimbaud.

Os alumnos e alumnas de 2º A compuxeron uns acrósticos ben rimados que poderedes ler no expositor da biblioteca acompañando os cartaces.

 Queremos agradecer ao concello de Malpica a donación do libro Florencio Delgado Gurriarán. Polos vieiros da saudade, de Héctor Cajaraville.

 

Premio dos Clubs de Lectura 2022 para Antía Yáñez Rodríguez

 Parabéns desde a nosa biblioteca para Antía Yáñez por ese ben merecido premio! 

(Fonte: Wikipedia)

Marcapáxinas DÍA DO LIBRO

 E seguimos aportando elementos para conmerar o Día do Libro, agora coa creación dos marcapáxinas cos vosos debuxos! Grazas a Noa Caamaño e a Anxo Varela de 1º A!