Última sesión de formación de radio

O martes 28 de xuño tivemos a última sesión do curso de formación impartido por Fina e Óscar do IES Maximino Romero de Baio dedicado ao manexo de Audacity e de Canva para a edición de son. Foinos de grande utilidade! 

Moitas grazas, Óscar e Fina! 

Club de lectura de nais: El abismo del olvido

Onte tivemos o penúltimo club de lectura de nais ao que fielmente acudiron María e Sonia. Optamos por unha novidade, o cómic El abismo del olvido de Paco Roca.

Consideramos o autor un mestre do xénero, malia que neste título non existe atisbo para a esperanza. Aínda que a historia transcorre en Levante, non se afasta moito do que ocorreu hai pouco en Bértoa, cando se rescataron os restos de catro exrepresaliados, e tamén, como dixo Sonia, a lectura deste libro levoulle sempre a recordar o que comentaban os seus avós da persecución e desaparición de viciños por ser simplemente diferentes. 

 

Club de lectura: Comedia bífida de Núñez Singala

Hoxe tivemos ao mediodía, de 15 a 16 h, o club de lectura. O libro elixido foi Comedia bífida de Núñez Singala, unha obra na que se reflexiona sobre a situación de diglosa que padece a lingua galega. 

Esta obra foi representada por Nobicarelo Teatro.

Dúas presentacións de libros

O sábado 25 de maio tivemos dúas presentacións de libros ás que acudimos. 

Ás 12.30 h a profesora Rosalía Fernández Rial do CPI  de Cabana de Bergantiños presentou Mover ficha na libraría Couceiro en Santiago de Compostela. 

E ás 18 h, na biblioteca Eduardo Blanco Amor de Malpica, Marta Villar presentou o libro Os peidos máxicos de Sultán. A concellaría de Cultura e Educación agasallounos un exemplar para a nosa biblioteca. 

As dúas autoras tiveron a amabilidade de firmarnos os seus libros para a nosa biblioteca. 

Exposición sobre Juana de Vega

 

Presentación Mar de crebas de Olga Rodríguez

Onte martes 21 de maio Olga Rodríguez presentou o seu libro Mar de crebas na nosa biblioteca, iniciativa que contou coa colaboración da concellaría de Educación e Cultura. 

A exdirectora do CEIP Milladoiro fixo un discurso emotivo ante os que foron os seus alumnos no que explicou a orixe do libro. Tras o acto, a concelleira Noelia agasallou a cada alumno cun exemplar. 

XVI Xornada de Clubs de lectura

O martes 14 de maio celebráronse as Xornadas de Club de lectura na Cidade da Cultura en Santiago de Compostela. Viñemos con algunha idea nova para dinamizar os nosos clubs de lectura e tamén con varias recomendacións literarias que xa temos pedido na libraría Miguens. 

Novidades

Esta semana incorporamos ao catálogo de biblioteca as novelas de Ana Huang, autora de éxito de ficción sentimental, petición dunhas alumnas de 3º e 4º de ESO. 

Letras Galegas 2024

Dentro das actividades da biblioteca houbo varias actividades en torno á figura de Luísa Villalta, non só durante esta semana senón tamén durante o mes de abril: creación de murais de cartaces coloridos, recitados de poemas, a creación da ficción sonora "Entrevista aos personaxes teatrais de Luísa Villalta" na radio da biblioteca escolar, salientando así o seu teatro, por ser esta unha das súas facetas menos coñecidas, alén da poesía. 

Club de xadrez

Onte luns, 13 de maio, houbo na biblioteca outra sesión do club de xadrez, dentro das actividades do club de ciencias, coa profesora Edda Beltrán de 15 a 16.15 h. Antes de aprender novas estratexias de xogo, puidemos intercambiar con eles opinións na nosa radio escolar. 

A maleta azul de Emma Pedreira

O venres 10 de maio tivemos na bibilioteca municipal Eduardo Blanco Amor o recital poético de Emma Pedreira no que nos amosou o contido da súa maleta azul. 

Emma gañou no ano 2009 o certame de poesía erótica Caldeirón aquí en Malpica. Daquela o accésit recaeu en Paco Souto e onte acompañounos a súa viúva Emma Abella, quen recitou o considerado mellor poema do mundo escrito por Emma Pedreira. A cadeira valeira entre as dúas Emmas era a de Paco Souto. 

Coincidiu a visita da poeta coa exposición procedente da fundación Juana de Vega, figura histórica sobre a que Emma Pedreira escribiu conxuntamente con Marilar Aleixandre o seu ensaio en Galaxia.