Recomendacións literarias para o Nadal

1. Literatura xuvenil

2. Literatura para familias

 

Clubs de lectura

Hoxe luns, 19 de decembro, tivemos dous clubs de lectura na nosa biblioteca. 

De 15 a 16 h houbo o club de lectura cos alumnos e alumnas de 1º de ESO centrado na novela Chámame Simbad, de Francisco Castro, e de 18 a 19 h tivemos o club de lectura de familias e nesta ocasión intercambiáronse opinións sobre a novela Unha árbore, un adeus, de Marina Mayoral. 

Grazas a todoas e todos por participar!

Parabéns a Alma e Daniela!

Alma Schurink e Daniela Varela, de 1º ESO, resultaron gañadoras da modalidade Premio Saúda de Prensa de Nadal do Concurso Escolar de Debuxo e Pintura de Nadal, convocado pola Concellaría de Cultura de Malpica.

Recibiron os agasallos na biblioteca do instituto de mans do alcalde, Eduardo Parga, e da concelleira de Cultura, Patrimonio e deportes, Noelia Freijeiro o venres 16 de decembro durante o recreo. 

Parabéns pola vosa creatividade! 

Radio Faro

Onte luns, 12 de decembro, tivemos a segunda sesión de formación con Rosalía Fernández Rial, centrada nesta ocasión nos deportes. Para iso, inspirámonos en dúas pezas dramáticas, Esta noche, gran velada! de Fermín Cabal, unha comedia ambientada no mundo do boxeo e en O bululú do linier, de Cándido Pazó. Aprendemos ademais a manexar o Audacity ao engadirlle efectos ás gravacións obtidas da BBC. Moitas grazas, Rosalía, ao alumnado e profesorado! 

 

Experimientamos na biblio

O mércores 7 de decembro experimentamos con Natalia como observar as fibras do ADN a partir de guisantes e tomate. Despois de remexer cada sustancia nun morteiro engadímoslles alcohol e puidemos apreciar como se ían formando fíños brancos. 

 

Talking about books

Desde o Departamento de Inglés, Sandra Ramilo traballou co seu alumnado a maneria de expresar a súa opinión sobre libros. De momento, gravouse cun celular pero confiamos en que en breve o poidamos facer empregando xa os micrófonos e os auriculares da nosa miniestación de radio. Parabéns por este traballo e polo voso inglés ben pronunciado! Well done you! 

So, here are your chats talking about books! Laura and María chose Stranger Things. 

https://drive.google.com/file/d/1maqyMZgFz-bF3oFtp1Z31ODsdDR--J3j/view?usp=share_link

Pablo, Alejandro, from 1º B, and Carla and Mariña, from 2º B, talked about Harry Potter.

https://drive.google.com/file/d/1uCg1MDuYhb0GJ4e7NS_1jJPhrYWmhbDC/view?usp=share_link

Mariña and Sara

Denise and Carol, from 2º A, express their opinion about Invisible, by Eloy Moreno. 

Denise and Carol (2º A)

Fátima and Noa had a quick chat about Nubes de evolución by Andrea Maceiras.

Fátima and Noa Caamaño (2º A)

And finally Saray and Sara has expressed their opinion of the manga One Piece written by Eiichiro Oda.

Saray and Sara (2º B)

 

25 N

 

    Ademais destes textos poéticos, poderás escoitar unhas conversas en inglés, inspiradas nos elementos da exposición. 

25N_1 Falar en inglés

25N_2 Falar en inglés

25N_3. Falando en inglés

Inma López Silva: "As Rosalías no teatro galego".

O xoves 17 de novembro gozamos da presenza de Inma López Silva, profesora na ESAD en Vigo, poeta, novelista e ensaísta, na nosa biblioteca. Abordou á faceta menos coñecida de Rosalía, a de actriz e música, pasando a reflexionar sobre a peza dramática homónima de Otero Pedrayo e as dúas versións escénicas que delas fixo Roberto Vidal Bolaño co Centro Dramático Galego. Para adornar o encontro tivemos un cartaz que nos prestou Paco, da editorial Positivas. Vaia o noso agradecemento aos dous. 

Como lembranza deste encontro quédanos tres exemplares firmados da autora: Concubina, 

Chámame señora pero trátame coma un señor e O libro da filla.

Esta actividade inclúese no programa "¿Por qué leer a los clásicos?" do Ministerio de Educación e Cultura.

Experimentos na biblio

O martes 15 de novembro tivemos na biblioteca un pequeno laboratorio con dous experimentos, un dos actos para conmemorar o mes da ciencia. Marcos, Irene e Alba demostráronos e explicáronos como se consegue o campo magnético que move unha rosa dos ventos e como se consegue a división cromática. Canto aprendemos!

    

                                       

E o martes 23 tivemos durante o recreo a segunda tanda de experimentos na biblioteca para comemorar o Mes da Ciencia. En concreto, fixemos o da imantación de papeliños e tamén conseguimos un arco da vella ben fermoso. Grazas a Natalia, Marcos, Patricia, Irene, Yeray, Marcos por realizalos e explicárnoslos e aos que vos achegastes para descubrir os logros! 

                                                 

Sesión de formación: radio na biblio

 

O luns 14 de novembro teremos a primeira sesión do seminario de formación do alumnado e profesorado. Centrarémonos na creación de contidos para a radio e nesta ocasión acompañaranos a poeta e profesora Rosalía Fernández Rial, do CPI Cabana de Bergantiños. Será unha forma diferente de apender nunha tarde de luns! 

Rosalía Fernández Rial fíxonos pasar unha tarde estupenda na biblioteca. Seguindo o fío das bibliotecas escolares deste ano, a escritura creativa, contamos a nosa propia versión do afundimento do mercante fruteiro Banora en Camariñas. 

Ocorreu o 18 de novembro de 1965 e considerouse un naufraxio feliz en tanto que non houbo vítimas mortais e sempre se lembra a chegada ás costas de Camariñas e Muxía de 1.600 toneladas de laranxas, recollidas despois en carros, carretas e sacos polos aldeáns. As pequenas laranxas marroquís do Banora encheron os cabanotes das casas da zona. Por mor da masiva inxesta de cítricos houbo frecuentes diarreas entre a veciñanza e outra xente da comarca. 

Pois ben, inspirándonos nesta historia, deunos tempo a crear o guion, ensaiar un pouco e baixar á emisora a gravar toda a ficción! Grazas a todas e todos por participar! Grazas, Rosalía, por compartir connosco esta tarde de luns diferente!